Эрзянский институт

ЭРЗЯНЬ ПОЛАНЬ САЕМА - Эрзянская свадьба (часть I)

Эрзянь мирденень лисемась раськень эрямосо весе кезэрень койтнень ды поэзиянть эйстэ а явовикс пелькс. Мирденень лисема поэзиясь появась пек умок, эрясь ды кассь ламо пингень перть, яла сюпал гадсь ды сюпалгадсь.

Эсь эрямонь малав ведьгемень иетнень М. Е. Евсевьев алтынзе фольклоронь пурнамонь пек эрявикс тевентень ды тень пингстэ сехте покш мель явсь мирденень лисеманьте. Те домка мелесь чачсь М. Е. Евсевьевень превс-седейс, нать, сестэ, зярдо сон прядызе Казанень инорщческой семинариянть 1883-це иестэ, ды седе тов ушодызе фольклоронь пурнамонть. Эрзянь свадьбась неявсь соненэз прок художественной произведения, кона кеместэ сюлмавоэь народонть историянзо, эрямонзо ды культуранзо марто.

Кода корты сонсь М. Е. Евсевьев:
«Свадьбань поэзиянть мон сёрмадыя Ирина Петровна авам пельде 80 иетнестэ. Симбярской губерниянь Буинской уездэнь М. Кармалы велесэ.

Мирденень лисема поэзиясь ентни кезэрень шкань эрямодонть, сеть лиякстоматнеде, конат тейневсть пингеде пингес, свадьбась малав педе пес моли одирьванть перька. Урнематнесэ евтавить одирь ванть обуцязо ды мелявксонэо. Пек стака явомс тетянзо-аванзо эйстэ. Одирьвась урни мирденень лисемадо икеле, лисема чистэ ды лиясто сонде мейлеяк.

Урнемат, морот, парянтнемат, пазморот совить мирденень лисема лирикас. Эрзянь раськесь свал ванстась поэтической сюпавчинзэ.

Тесэ максозь эрзянь мирденень лисема лувось педе пес (тешкстамось П.А. - течи максан I пельксенть VI-нь эйсте). Целанек ловнодо книганть: М. Е. Евсевьев «Мордовская свадьба», 1990 ие.

Полань саема
(СВАДЬБА)
1. ЛАДЯМО

Зярдо кочкить вечкевикс тейтерь, женихенть аванзо-тетянзо «шождыне» чистэ (недлячи, овторник, цетьверьк) тердить роднят, евтасызь тенст кочказь невестанть, кевкстьсьтзь, а содыть ли сынь берянь енкст те тейтеренть эйстэ. Весе тентнень парсте кортнезь, кармить озномо вегвить лескс верешки пазонть, кудонь кирдинть ды покштятнень-бабатнень пельде. Ознома шкасто пазаватнень икеле кирвастеви штатол, столенть лангс путови кш иды салт. Озномсто ваныть, штобу кенкшесь, вальматне, трубась ды мик пецькась улевельть пекстазь, штобу авольть сова раужо вийть ды аволизь кола ушодозь тевенть.
Озномадо мейле кшинть ды салонть путсызь кошельс ды туить невестантень. Бути кортамотне удаласть, кшись ды салось полав товить кши-сал лангс невестанть кудосто. Сэвевить сынь омбоце чисте. Тень кисэ пурнавить весе роднятне.
Теде мейле невестанть тетязо пурны эсензэ роднянзо, ды ушо дыть озномо. Озномась юты истя жо, кода женихенть кудосо
вешить часия одтнэнень.
Сватнэ каванить весень эсест винасо. Каванямо шкасто неве стась ялганзо марто ашти цюлансо. Каванямодо мейле женихенть гетязо ды мартонзо сазь роднятне молить цюланс невестанть ва номо ды тешкс путомо. Сыненст пирясызь кинть урьваля ават; вешить нолдамост кис питне. Женихенть роднянзо каить стопкас вина ды нолдыть эйзэнзэ ярмак.
Цюлансо невестанть пирясызь ялгатне. Женихенть тетязо энялды тейтертненень невтемс невестанть. Ялгатне вешить тень кис пандомо.
Атявтось ды ававтось, бути васенцеде несызь невестанть, пар стине вансызь, ды теить эсест «тешкс», лиякс меремс, казить гензэ: вина марто топкас каить Сиянь ярмак. Невестась ала мошка копорды ды макссы ялгатнёнень. Мейле сайсы ярмаконть, стопканть макссы мекев атявтонтень.
Истя жо атявтось казьсынзе ялгатнень.
Ававтось кази невестантень паця, пилекст, суркске ды кетькс.

Тень пингстэ моры:
Вана казян тенть паця
Превёв-содавксов ультяя,
Пилезэть путан мон пилекст
Кунсолыця ультяя,
Сурозот тонган сырнень суркс
Кедь челькевне ультяя,
Кедезэть тонган сиянь кетькс -
Кедь виевне ультяя.

Мейле урьванзо икеле ентнесы, меэекс саи сонзэ:
Ох, урьвинем-эеднем!
Цёран кувалт какамат!
Сайтян мои тонть, эеднем,
Чокшне кувать аштицякс,
Валске толонь пувицякс.
Кудос пенгень кандыцякс,
Начко ведрань кирди
Ваньксстэ кудонь теицякс,
Чевте таркань ацыцякс,
Сэрей прялксонь путыцякс,
Раужо палянь саицякс,
Ашо палянь максыцякс,
Калгодо мушконь том бицякс,
Кувака коцтонь кодыцякс,
Кучт-киява молицякс,
Эрьва козонь кундыцякс,
Якинь-пакинь вастыцякс,
Тусь ломанень ильтицякс.

Невестанть аванзо икеле ававтось моры:
Иях, иях, ия-ях,
Иё, ваёх, ва-я-ёх!
Ох, свахинем-матушка!
Чешкстазь кадан умарина,
Кружазь кадан умарь чУвто.
Сыть кучозень мельганзо.
Сырнесэ сынь сявтасызь
Масторонь келес корёнонзо,
Сиясо сынь сыргавтсыэЬ
Менелень келес тарадонзо.
Иляк сорнонт, свахинем,
Раужо човаля моданзо,
Илить синде, матушкам,
Маэыйстэ цвети тарадонзо.
Кода кадса шумбрасто,
Истя максык вадрясто.

Невестась аноксты женихентень ды сонзе роднятненень каз неть: женихентень викшневкс марто паця, ве паця пентень сюлми сиянь ярмак, омбоце пентень — сиянь суркс, атявтонтень понкст, ававтонтень викшнеэь панар, женихенть крестнантень — викшнезь кокошник, сазортнэнень ды братнэнень — пацят, лия роднятненень пракстат ды суркст.

Невестанть роднянзо казнетнень максомсто морыть:
Ох, сватушка
Ох, свахине-матушка!
Илядоя пеняця
Седе покшке казнинес:
Пиже дугам парыям
- (или сазором)
- Эзь содакшно аштема,
Тьтненк казнеть анокетась,
Чокшне куватьс аштекшнесь,
Валске рана стякшнокшнось.
Эзь чийнекшне ульцява,
Эзь яксекшне кужова.

Кить получасть казнеть, невестантень максыть ярмакт.
Теде мейле аватне ды тейтертне моразь ильтить инжетнень кудо видьс. Атявтонь кудосо макссызь казненть женихентень.

Тень пингстэ атявтонть икеле морыть:
Иях, иях, ия-ях,
Иё, ваёх, ва-я-ёх!
Идика, сват, идика,
Рамика, сват, рамика,
Каяка, сват, каяка
Ниле пева ниль алтоть,
Куншкаэонзо ветеце.
Тесэ оянок тюсозо,
Тесэ ялганок чамазо,
Гостинецекс кучсынек,
Гостинецекс макссынек,
Радошнасто саесэ,
Вечкезь-кельгезь улезэ.

Атявтось рамасы патянть. Мейле тейтертне морыть женихенть икеле:
Пиже дугай,а Сёма!
Мазы Дугай,а Сёма!
Минь туинек гостинець,
Лиця мазы пацянзо;
Тесэ сэрьсэ, рунгозо,
Тесэ тюсо-поназо.
Туи а Туимелезэть,
Туи а туи превезэть?